ياهلا باللي غلاها تقـل بالوصـف ديـم

ياهلا باللي غلاها تقـل بالوصـف ديـم=ديم وسمآ ميت العود في غيثـه  سقـاه
صوت من حبّه بداخـل معاليقـي مقيـم=لو يجي غيره ملايين مـا شـيٍ  محـاه
جيت غاز القلب من غرب في ليل(ن)عتيم=لين نزلت الغـلا بحـرب دايرتـآ رحـاه
في جيوشآ من نطحها ماهو راجع سليـم=حرب ماتحصا الوفيات فيـه ولا جرحـاه
وستحليت المشاعر وجاك الشـوق غيـم=غيم مزنآ قامـت النـود لشـرق تحـداه
يتجه وسط السما و اين ماهـب النسيـم=مظلمآ والبرق يكشف ظلامه فـي سمـاه
كل(ن)يخيله ويطلب من الـرب  الكريـم=عالمآ خاف الخلايق وعالـم فـي خفـاه
يسقي أرضآ مات فيها من الدهر  الهشيم=ون نواها الله بخيرآ عليهـا صـب مـاه
وانت وصفه ياحلا الكون ياكـل الحريـم=ياحسين الوصف ياللي مامثلك  بالصفـاه
كملـك بالزيـن ربـآ باهالدنيـا  عليـم=_واحدن محدن يقفله ولا يقهـر  عطـاه
اشهد انك بلسم الروح وعـلاج  السقيـم=السقيـم اللـي طبيبـه علاجـه مالقـاه
فايزآ بالزيـن كلـه وبالمنطـق  حكيـم=من سمع هرجك سكت ماتكلم من  حـلاه
ومن يشوفك لو تعوذ من بليس  الرجيـم=ماقـدر يغـض طرفـه ولا يرجـع وراه
ينبهر ويقـول والله فـلا مثلـك وسيـم=ينبهر من قـو زينـك ويبطـي مانسـاه