يامحمد الشعر يابنالعم كبيت

يامحمد الشعر يابنالعم كبيته=وقدام لقفي عنه قفا وخلاني
لن في مدح بعض الناس ضريته=وابيه لكن هو وماعاد يبغاني
ظلمت نفسي وهو لظلم جريته=بالكذب في مدحتي لفلان وفلاني
ولوينترجع قصيد(ن) فات رديته=وخليت ماقلت قبل العام ماكاني
كم من صديق(ن) بازين الشعر ناديته=وقفا تقل ماسمع صوتي ولاوحاني
ولافيه طيب باهرج الناس ماجيته=ورجعت من جيته مفلس وخسراني
جيته على المدح يومني توحيته=ناس(ن)تحسب المدايح هرج مجاني
وعرفت بان الرجل مايرفعه صيته=والمال يشهر ردي عزوم وهداني
والمدح بالرجل ظلم ان ماتنصيته=ولاتمدح الا معك للمدح برهاني
جريت صوتي وعذب الشعر غنيته=يوم الزمن حدني والوقت عناني
مع كل درب(ن)من الوعات سجيته=على الذكر الابعيد الناس و الداني
ومن عنوتي ناقدي بالسن عضيته=ومسيت من عنوتي ضايق وزعلاني
من ماحصلي ومن شين تلقيته=مدحي برجال شاهي بس قهواني
لوهو سبقني قبل ماجيه حييته=وعلى كرمه جبت انا ربعي وجيراني
ولاهو قريب(ن)لظنن فيه ظنيته=وانا قنوعن لو انه بس حياني
حذراك مدح الرجل قبل تجي بيته=ثلثين هذا الزمن بالمدح كذباني
وماكل من بالرخا خوي حطيته=بالضيق ياقف معك في غال الاثماني
والسر ماينعرف كان انت مابديته=مايعلمه غير رب الانس والاجاني
وكلش يهون ان رميت الظن وخطيته=الا الردا الاحصل من بين الاخوان