الشعـر الـك ياكامـل الزيـن ينسـاق

الشعـر الـك ياكامـل الزيـن ينسـاق ازهــم علـيـه ويـاتـي الشـعـر كـلـه

وانت المدير وكان به سطـر مـالاق راجــع مواضيـعـه بنفـسـك وحـلـه

منيـن اببـدأ فيـك يامـدمـج الـسـاق اخاف لانسـا فيـك وصف(ن)وزلـه

ان قلت جسمك ناعم العـود ورقـاق ولاهـو ضعيـف ولاالمـتـن ظايمـلـه

والصدر بارز والوسط مبـرم دقـاق والــردف نـابـي والجـدايـل غطـلـه

والعين عيـن اللـي مثبـت بمسبـاق حـر(ن)كـفــخ ومثبـت(ن)مـاكـرلـه

والخد شمس(ن)توها عند الاشراق شمس(ن)علـى كــل الاوادم مطـلـه

وبيـض الثنـايـا كنـهـا لـمـع بــراق والخشـم سيف(ن)قايـد القـوم سلـه

لاشافـه الـلـي للهواء قـبـل مــاذاق لـوهـو كبـيـر الـســن قـلـبـه تـتـلـه

لوراح من عنده رجع جبر مشتـاق قـلـبـه يـحــن وشـوفـتـه مـنـوتـلـه

يمشي منه من سكرة الحـب مافـاق وحـتـى طريـقـه يخـتـلـف مـايـدلـه

ماهـو بساحـر بـس للقلـب ســراق اقـــو قــلــب بـنـظـرتـه يسـتـحـلـه

انا اشهد انه يحرق العاشق احراق فــي بسمـتـه ولـيـا رفــع نـاظـرلـه