البارحه كني من الضيق مجنون

البارحه كني من الضيق مجنون=امشي جنوب وحاجتي بالشمالي
واون مثل اللي بلا ذنب مسجون=اللي يون من القهر والنكالي
ماضيقتي من هرج ناس يهرجون=وماضاق من هرج القفا يوم بالي
ولاني من المقسوم ضايق ومحزون=راضي بكل اللي من الله جالي
واهل الردا لو في قفايه يذمون= ماعيبوا ذكري ليا جا مجالي
ان كان من طبعي والافعال مصيون=ماشوهو ذكري بقيل(ن) وقالي
دنيا تقلب والاوادم يشوفون=ماهي عليه في غثاها لحالي
مادامت الدنيا لناس(ن)يحكمون=دارت عليهم جايرات الليالي
وهانتهم الدنيا قبل الايموتون=وحصلهم شين ماهو بالخيالي
منها اعتبر ياللي بدنياك مفتون=دنياك قافيها الفنا والزوالي
شف شعب تونس ويش فيها يسوون=وشف مصر فيها وش حصل بالمثالي
وشف ليبيا فيها الرجاجيل يبكون=اربع شهورن مايكف القتالي
وشف اليمن والشام فيها يصيحون=كل(ن)بهن يقول ماتو عيالي
دنيا طغا فيها على الله فرعون=يقول انا الخالق وهي كلها الي
وعز الرجل ماهو بعشرين مليون=والمال مايرفع ردي الرجالي
كم واحدن مافك بالمال مديون=لامن بعيد ولاقريب(ن)موالي
لو ان فيه الناس لقبل يحيون=لجل المصالح من خبيث القبالي
الرجل من ياقف ليا قيل تكفون=واللي يقف للكايده والثقالي
مشهود فعله ماهو هرج ويقولون=والطيب ماهو ورث جد وخوالي
ملك الذي في حزت الضيق ينخون=واللي بحزات الشدايد ظلالي
مثل الذي لعل ذكراه ماتهون=اللي رقا بالطيب رؤس الطوالي
عز الرفيق ان جاه ضايف ومشحون=مرخص لنخوا صاحبه كل غالي
فهد ابوفارس ليا انباح مكنون=اللي رس لطيب مثل الجبالي