ياراكب اللي الامشا من الاحسا عصي

ياراكب اللي الامشا من الاحسا عصير=سواقه اللي كل ميقاف قده
راعي نخاوي مايعرف المعاذير=يمشيمعك في كل درب(ن)توده
جيب(ن)ليا منه شلع كنه الطير=لمن صقاره على الصيد هده
ماينتوصف بالفكر والتعابير=فكس ار جيب وكل درب(ن)يقده
ماضاع في بديه بلوط مسامير=وجديد مايحتاج تفتيش عده
منصاه ابو نايف حميان ماغير=من عند ابو نايف عليه مرده
يابن علي يابن الرجال المناعير=اللي بهم بالضيق فزعه وسده
واللي لهم شيمه وقيمه وتقدير=مزبان من  خصمه على الظيم حده
مزبان من كثرت عليه المخاسير=اللي ثبت قله ولاحدن يوده
اللي لياله في حياته مدابير=وبيح زمانه عند الانذال سده
ليا زبنكم لاذ بطويق والنير=وقصر يدين اللي يمينه يمده
لوجاب فزعاته جيوش وطوابير=دخيلكم تقفون للموت ضده
وبالذكر لاجابوا علوم المسايير=ماحد الردا فيكم لسانه يعده
مدري من انصا  باليال المعاسير=اللي يقوم بلازمي مايرده
نخيت لين ازريت ما من تدابير=لي وانا انخا يابن الاجواد مده
انخا رجال(ن)مابهم بالفعل خير=رجال الهياط مكبرين المخده
اللي مراجلهم هبوب ومعاصير=واللي بهم حبل الرجا ماتشده
ونخواتهم ظلم وعذاب ومشاوير=ونقايدن فيها العرب مسعده
غديت في دنيا غثاها اعاصير=دنيا الفنا اللي بالغثى  مستبده
واللي وطت بالبين رؤس المشاهير=حكام ماهو شيوخ قومن واشده
ويوم حبلتبي يالرفيق المقادير=وديان ديني قام سيفه يحده
حاولت اجنب في طريق عن البير=وجبرن علي البير وردت عده
وافرح علي اهل الوجيه المغابير=والهم قام عروق قلبي يجده
والحظ لو اجمع كنوز النانير=رمابها بالبحر الاحمر بجده
وماكتب للمخلوق لو انه يطير=ماله عن المكتوب بالعمر صده