ياهل السفر متى على الله تردون

ياهل السفر متى على الله تردون=متى تجون من السفر بالسلامه
الحي عقب غيابكم هم وحزون=والليل موحش به ليا اقبل ظلامه
لوكان حين ماهو خالي ومسكون=عصره وصبحه مايفك ازدحامه
ماكن به ناس(ن)على ارضه يدوجون=خالن فضاه وطار حتى حمامه
عقب الذي للحي دايم يلمون=اهل الوفا والطيب واهل الكرامه
اللي على عز وكرامه يعيشون=عز القريب وهاجرين االملامه
مافيه غير اللي للقراب يشنون=وشباههم وملقطين القمامه
تكفون لاتبطون بالحيل تكفون=يزيد ضيق اللي تكدر منامه
ناس(ن)ماودك عنك ليله يغيبون= وناس(ن)مشاهدهم هموم وندامه
وناس(ن)على لم القرايب يحثون= وناس(ن)تشتت بالفعايل جهامه
وناس(ن)على فرقا الولايف يغنون=ولاحسبو لحساب يوم القيامه
وعلى الهزيعه لرفيق يتمنون=ربيعهم شوف الرفيق انهزامه
وناس(ن)بحزات الشدايد يقومون=ورفيقهم بالقدر عال(ن)مقامه
دونه لصعبات المهمات يقفون=لو دونه الماقف قصاص الغرامه