الله يابـو نايـف علـى سـجـت عصـيـر

الله يابـو نايـف علـى سـجـت عصـيـر مـع خايع(ن)قـفـرن لطيـف(ن)بـراده

ورا عـطــايــا الله صـــفـــر مـغـاتــيــر ومع الرجـال اللـي لهـا الطيـب عـاده

اهـل المواقـف فـي نهـار المعاسـيـر الـلــي فعـايـلـهـم فـعـايــل وكــــاده

الـلـي لكـسـرات الـمـراجـل جبـابـيـر ولادوروا هــــاف الــكــلام اصـتـيــاده

وللمرجـلـه يسـعـون قـبـل الدنـانـيـر ولــلاخــرة قــبــل الـمـنـيـه هــجــاده

وفي مجلس(ن)مافيه للكذب تصوير ولابــه سـوالـف مـاوراهـا اسـتـفـاده

سوالـف(ن)بـالابـل وبـهــدت الـطـيـر حـر(ن)مـجـهـز لـلـحـبـاري هـــــداده

وقـت العبـور اللـي غنـات الصقاقـيـر وراع الـولــع لـصـيـد غـايــت مــــراده

سوالف(ن)بالطيـب مـاهـي باتـزويـر مـاهـي سـوالـف بـالـخـزا والـنـقـاده

سوالـف(ن)الـهـا النـشـامـا مـداويــر والـعــز فـيـهـا والــفــرح والـسـعــاده

مـع الرجـال اهـل الوجيـه المسافيـر الـلـي بـهـم لطـيـب صـبــر وجـــلاده

شــرواك يامـذكـور بالطـيـب والـخـيـر وعـز الخـوي لاجــاك يـشـك النـكـاده

يابـن الرجـال الـلـي تـقـود الطوابـيـر زحـول الرجـال الـلـي للمـجـاد قــاده

اللـي رسـوا بالطيـب كاطويـق وانيـر وسـؤ الخصـيـم الـلـي تـزايـد عـنـاده

عتيـبـه الـلـي بالشجـاعـة مشاهـيـر ريــف القصـيـر وعــز مـنـهـو سـنــاده

حـر(ن)ولا اتـعـذر لـيـا حـصـل تاخـيـر ولجبرت في وقـت العمـل واضتهـاده

ولاشتكي ظلمي من حسين والغيـر لــيــا ظـلـمـونـا بـالـعـمـل بـالــزيــاده

لــو ان رزقـــي عـنــد وال المـقـاديـر اللـي تصـلـي لـيـه وتسـجـد عـبـاده

سجت عصـر هـزت غصـون التفاكيـر وخلـت شعـور الشـعـر يـقـدح زنــاده

عصرن تلاعـب فـي هـواه العصافيـر ويجـلا هـمـوم المغـتـرب عــن بــلاده