والله ماتوخذ حقوقي وانا حي
وانا بدار اللي يحكم العداله
ولا والله اصفق على حقوقي ايدي
ونايف محمد ابن نايف بداله
يامير انا ملحوق وانا مقفي
وماخوذ في حقي عليه وكاله
ماجيت انا يامير عايل ومخطي
ولاجيت قلت عرف والا جهاله
ماجيتك الا عقب مانكلو في
والصبر قصوا من يديني حباله
وامشي بادرب(ن)فيه ماودي امشي
ومطوق(ن)بالمهزله وانذاله
ويامير انا وش في يديه وسوي
وخصمي انا اكبر واحدن من عياله
والله لو بالغيب تعلم وتدري
وتدري بمادريبه وربي دراله
انك بحكم الله عليهم لتعطي
امرك بحكم احكام راع الظلاله
مصيبت(ن)كبرى وحظ متردي
مصيبت(ن)فيها العدوا يندعاله
منها الصخي يقعد لحاله ويبكي
وش عمر باقي وعمر(ن)بقاله
ليست هناك تعليقات:
إرسال تعليق