عاد عيدك ياطويل العمر في خير و سلامه=وكل عام(ن)عاد عيدك بالفرح و العز عيدك
و الرفيق اللي معايد عصبته جل أهتمامه=والله انه بالفرح و العز في عيدك يزيدك
وأنت صح الله لسانك من ذهب يطلع كلامه=أنت لك حق الخوال وعندنا عالي رصيدك
أيه افتخر فيك أنت لا عدو شواعير الزعامه=وأن سمعت من القصايد انتشي وأحفظ قصيدك
مرحبا بالرفيق ومرحبا بالقصايد=فزله ياقصيدي وخبره ياقصيدي
بن حصر المراجل فيه صعبآ وكايد=عل عيده يعود بكل عام (ن)سعيدي
ويوم زان القصيد ولبس غال القلايد=وذعذعتله هبايب نجد في يوم عيدي
عل راع الوفا مايشوف شر ونكايد=وعل عمره يطول وعل خيره يزيدي
وان مدحته ماني غلطان مدحي وكايد=ماني بالمدح في نايف لحالي وحيدي
امدح اللي وصل بالعلم عال الشهايد=واله بالعلم باع وبالمراجل رصيدي
لانظمة القصيد أختار زين الفرايد=لن شعري غلاه يسير داخل وريدي
والله ان الوفا والطيب طبع وعوايد=وهبتأ من عظيم الشان رب العبيدي
مايجي بالتصنع والحيل والمدايد=مكسب اللي بحزات الشدايد عضيدي
امدحك وافتخربك وانت لمدح قايد=ولو اقيد بامدحي فيك فكيت قيدي
اتسلم فيك يالمطنوخ عذب انشايد=والله انك وسام ويفتخربك نشيدي
لانصيت ابقيق نصه لرجال الصيرميه=الحرار اللي تنومس بالهداد اللي شراها
ربعي اهل الطيب والفزعات ورجال الحميه=مسند اللي حزت الشدات لنخوه دعاها
الرجال اللي مواقفهم وفزعتهم قويه=وطيبهم مثل النجوم اللي تلامع في سماها
مزبني لاضاق الايام والدنيا عليه=وقامت هموم تلوف النفس والضيقه وراها
ليست هناك تعليقات:
إرسال تعليق