ارسـلـت لــك عــدت قـصـايـد ولا بـــان

ارسـلـت لــك عــدت قـصـايـد ولا بـــان نـشـر وانــا اشــري كــل يــوم الجـريـده

عطنـا خبـر عجـل تـرا البـال عمـسـان يــاهــل الـمــواقــف بـالـلـيــال الـشــديــده

وش اسبـب قلـي ووش فـيـه غلـطـان وكـيــف القـصـيـد الـلــي تـــود وتـريــده

عـطـنـا الـغـلــط بــالــوزن والابـالـلـحـان امـــــــــا نــــعـــــدل فــــيـــــه والا نــــزيـــــده

الشره على الطيب ليا صـرت زعـلان وعــن الــردي شـرهـات نفـسـي بعـيـده

من فوقهـا انتـم بالفعـل يابـن قحطـان مــاهــو بنشـر(ن)بـالـجـريـده قـصــيــده

جيتك زعل جيتك من الغيـض بركـان اضــرب حـديـده فـــي صـفــاه وحـديــده

مـافـيــه نــــار بــــدون جــمــره ودخــــان ولاينصـرف شيك(ن)نـزل فـي رصـده

عيني تشوف وساحة الشعـر عنـوان عـــــــزاه يـــالــــون الــحــيـــاه الــجــديـــده

حلـوه جميلـه بـس فيـهـا عـمـى الــوان بـابــو ظــبــي كــنــك بــوســط الـحـديــده

مــن يــوم قــام يـقـيـم الـشـعـر غـســان ووزع عــلـــى كـــــل الــمــوقــع بـــريـــده

وصفق ورا غسان ناس(ن)بلا شان وضـحـك ونـاســه والـجـمـل فـــك قـيــده

وكثـرت بهـذا الوقـت سـئـات وحـسـان نفس(ن)تموت افراش واخرى شهيده

واحـدن عـلـى ماقـيـل راح بخـبـر كــان واحـدن شـقـي واحــدن حيـاتـه سعـيـده

اكـتـب شـعــر واضـبــط الـحــان واوزان وان ما انضبط شطر القصيده اعيده

ولو هتفت نفسي علـى فـلان وفـلان عـنـهـم تـصــد ابـهــا الـشـيـم والعـقـيـده

مـاتـحـرك اشـعــوري حـكـايـات بــــزران وطـيـر الحمـامـه مـاهـو للـحـر صـيــده

مــرت بـنـا الـقــدار مـــع كـــل الـوطــان سبـحـان مـــن فـــرق مـذاهــب عـبـيـده

احـــدن خـــوي شـــر ونـكــاده وحـقــران وعـنــد الـخــوي بـعــده وفــرقــاه عــيــده

واحـدن خـوي وحـزت الضـيـق مـزبـان مـــع الـخــوي وقــــت الـشـدايــد ولــيــده

واحـدن نهـاره ضـحـك واللـيـل سـهـران بـايـه وصافيـت(ن)مـن الـطـيـب ايـــده

وسـوالـفـه مـــع شـلـتــه تــقــل نــســوان وكــــــل الــعــلـــوم الـخــايــبــه مـاتــكــيــده