صوت الشاعر خليف الوهيداني
|
|
|
يا حميد يامروض صعيـب التماثيـل
طـب البحـور بـكـل دولــه وخضـهـا
|
|
وإشرب نهر دجله من الشعر والنيل
وإليا إنشفت بأمطارالامثـال عضهـا
|
|
يـا زحـل يانسـل الرجـال الحلاحـيـل
سـوق المثايـل والحواسيـد غضـهـا
|
|
ومافات مـات وكـل نـاسٍ لهـا جيـل
ودنيـاك ماجـت كـل واحــد ركضـهـا
|
|
كـم واحــدٍ مــات و حيـاتـه بهـاذيـل
بالنومه اللـي ماشكـى مـن مرضهـا
|
|
والـرزق عنـد مكـون اليـوم واللـيـل
وخمس الفرايض للمصلـي فرضهـا
|
|
والقـل مـا يعيـب زحـول الرجاجـيـل
لـو ماوفـت بقـروض حيـن قرضهـا
|
|
ولاتـخـدم الأمـــوال رجـــالٍ بـخـيـل
ومالله كتـب لـه لا صرفهـا عوضهـا
|
|
ولولا الردى والطيب مأحدٍ كتب قيل
وتساوت فعـول البشـر مـع بعضهـا
|
صدى
عودة
الماضي
|
|
|
يا خليـف هاجوسـك يسـوق التماثيـل
وبيـوتـك الـجــزلات تـــدّي غـرضـهـا
|
|
وقهويـتـنـي شـعــرك بـلـيـا فنـاجـيـل
والـذاكــرة حـنــت لـشــيءٍ عـرضـهـا
|
|
ذكرتنـي ياخليـف فـي صـفـوة الجـيـل
الـلـي مـنـه نفـسـي تعـاظـم مرضـهـا
|
|
اللـي قسـم لـي مـن شـقـاه الـولاويـل
فــي عـشـرةٍ ربـــي علـيـنـا فـرضـهـا
|
|
ضحـيـت لــه بالعـمـر وإزداد بالكـيـل
وأحياء الجروح المرمسـات ونقضهـا
|
|
كنـا نـشـوف اللـيـل حـضـن التعالـيـل
والصبـح مـن دفــوة شليـلـة نفضـهـا
|
|
كـنــا نـحـسـب إن اللـيـالـي مـداهـيـل
ونفوسنا تضحـك علـى مـن وعضهـا
|
|
حـتـى جعلتـنـا إم الـدهـى والتهـاويـل
روحٍ قسـمـهـا ربـهــا مـــن بعـضـهـا
|
|
أقفـى ماهـو راضٍ بقـطـع المواصـيـل
وأصبحـت فـاقـد نفـسـي ومفترضـهـا
|
|
وراه أسـوق النفـس بالـعـدل والمـيـل
وعشرة عزيز الساس مأبغى عوضها
|
|
وياخليـف يـا حــلال عـقـد الحلاحـيـل
جنـحـان قـرنـاس اللـوامـح نهـضـهـا
|
وصح الله لسانك على هالتماثيل=وًّفت على ما قيل وأدت غرضها.
ليست هناك تعليقات:
إرسال تعليق