يالوقـت عذبتنـي فــي كــل الاحـوالـي

يالوقـت عذبتنـي فــي كــل الاحـوالـي عذبتـنـي بالـشـغـل والـقــل والـخــوه

الـروح لشغـل ورجـع ضايق(ن)بالـي وبـلا رضايـه السـوق النفـس بالقـوه

وجبرتـنـي يالـزمـان اخــاو الانـذالـي وعزمي من الساس هديته لـي علـوه

والعمـر قفـا مـتـى يالـوقـت تصفـالـي ومتـى الليالـي تجينـي مـنـك محـلـوه

وعذبتنـي يالزمـن فـي شيـل الاثقالـي مع البلا اللـي يحـز النفـس مـن جـوه

فـي كـل عام(ن)مـنـك يـزيـد غربـالـي والضيق نار(ن)منـك ماينقـرب ضـوه

ومن وين ماروح منك الضيق يبرالي لو مامشيت ابطريق(ن)عيب ومشـوه

وماكـل رجل(ن)يفـي بالـقـول لاقـالـي ولاكـل رجل(ن)ابـه معـروف ومــروه

وكـم واحـدن يفتخـر بالجـد والخـالـي ولاسلـم الاقـراب مـن شــره ولاســؤه

ويالله يامحيـيـن بالـسـيـل الامـحـالـي اللـي طواهـا الدهـر والقيـض وغلـوه

تفرج هموم(ن)تقول اطعوس وجبالي ياللـي مـن نشـوك اللـي بانـلـي تــوه