مـاجـا مـنـك مـاهـو غريب(ن)عـلـيـه

مـاجـا مـنـك مـاهـو غريب(ن)عـلـيـه هاذي طبوعك وانت راضي وزعـلان

هـوايـتـك دايـــم بـاكـسـب الــرديــه وتشوف نفسك بالمجالـس كحيـلان

ماشفـت عيبـك قبـل لاتشـوف فـيـه والنـاس ماهـو ياجهـر العيـن عميـان

فـي كــل عـام(ن)لـك وجـهـه ونـيـه وللكـذب والنـمـات والخـبـث عـنـوان

يامجـازيـن راع الحـسـانـي بسـئـيـه ماني علـى غيضـك وفرقـاك ندمـان

مـامــن ورا قـربـتــك غــيــر الاذيــــه وقربـتـك بالدنـيـا خـسـاره ونقـصـان

ودايـم عـلـى الاقــراب شــر البـريـه ودعوه لمن هزه على الشر شيطان

كم لـك فـي وسـط المحاكـم قضيـه وبليت فـي حقـدك طويليـن الايمـان

مــن فتنـتـك راحــو ليـومـك ضـحـيـه ومـصـارلـك مـاتـقـل مـــرك ولاكـــان

تلـعـن وتـطـعـن بالـنـفـوس الـزكـيـه كنـك نزيـه الذكـر والعـدل لـك شــان

طـويـلـن لـسـانـك وعـيـنــك قــويــه تـقـول لــك بالطـيـب والـعـز ديـــوان

ونفسي عـن الـزلات نفس(ن)غنيـه مـابـحـت ســـد ولاتبـيـنـت غـضـبـان

اقفـيـت عــن حـقـي مـكـتـف يـديــه وتشهـد علـى حقـي تواريـخ وزمـان

خـوف(ن) مـن النقـاد واهـل الـزريـه وماخفت منه الحقتبه يابـو سلطـان

والـعـمــر راح ولابــقــى الا شــويــه مافادنـي كثـر احترامـي والحـسـان

واحب الخشم والعين صبح وعشيه ولكـن عـن ماقيـل ابـي الخـبـر بــان

والله يالـولـى الـلـي لـهـم ماقـدريـه وخـص مـن فيهـم بالافعـال بـطـران

مــقــدر الاقــــراب مــكــرم خــويـــه اخـــوي وعـــز الـقـرابـه والاخــــوان

لاسوقـهـا بالحـمـل فــوق المـطـيـه وعــد فـيـهـا فـــلان وفـــلان وفـــلان

الـغـرب لـشـام قــام يـسـوق قـواتــه

الـغـرب لـشـام قــام يـسـوق قـواتــه والحـرب معلـن مـنـه مـبـدا شرارتـهـا

ماهـمـه الــروس لــو فـتـل عـضـلاتـه والصيـن وايـران والـشـام وحكومتـهـا

ايـام وتشـوف وسـط الشـام ضربـاتـه بالغـزوه الـلـي سببـهـا جــرم دولتـهـا

جيشـن تحـت رايـت امريـكـا بـاداراتـه يـاويـل مــن حـطــت بـالـحـرب نيـتـهـا

كم من شجاع(ن) وطت خده وعلباته ولاشيـف وجهـه بـداره بـعـد هجمتـهـا

متفـوق(ن) جيشهـا بالـحـرب قـدراتـه ماهي جيوش(ن) على الثورات قوتها

وبوتـن حليـف الاسـد غــادر بابرجـاتـه يـــوم انـهــا بـانــت الـغــزوه علامـتـهـا

وايـران صـدت عـن الحـرب ومساراتـه ولاوقـفـت بالـشـدايـد مـــع حليفـتـهـا

وقت السعه جيشها درع(ن) الجاراته وتقـول بـن الــدول تحـسـب ماهبتـهـا

وقـت سـعـه كــل(ن) يفـتـل شنبـاتـه وكم دولة (ن) ماثبتت بالحرب وقفتهـا

راحــت تـجـر الـخـزا و الــذل طعنـاتـه وحليفها حاسـب(ن) بالضيـق فزعتهـا

ومـن بعـد تنـذر مـن الحـرب ومغبـاتـه من شدت الخوف يوم السفن شافتها

جـا ماتمنـى ياشـيـخ الـفـرس حـزاتـه حليـفـتـك سـوريــا فـزعـتـك حاجـتـهـا

شف صاحبك تضـرب امريكـا مطاراتـه بجـيـوش قـوتـك بالـمـاضـي تحـدتـهـا

قـــوة تـهــدد بـهــا الـعـالـم وعـيـلاتــه وسميتـهـا قــوت الـفـرس وفخامـتـهـا

وهـددت فيهـا الخليـج امنـه وامـاراتـه اثــرك ورا الخـيـل ياشعيـلـه وعجتـهـا

 

مسكـيـن يـامـن تـرثـي احــوال الايـتــام

مسكـيـن يـامـن تـرثـي احــوال الايـتــام والله كـفـيـل(ن) فـــي حـيــات الايـتـامـا

اهـون مـن الـلـي عــاش دنـيـاه منـظـام وظيمـه مـن اهلـه مـن سنـيـن الفطـامـا

عـمــره قــضــا ورا الـتـمـنـي والاحــــلام لارتــــــاح بـــــــال ولا تــهــنـــا مــنــامـــا

وفـي كـل عـام يقـول تفـرج بـاهـا الـعـام وعــلــى الــرجــا هــــذا ثـلاثـيــن عــامــا

يمشي على رمضى الظهر حاف الاقدام ولـيــلــه مـنــامــه بــالــخــلا بـالـخـيـامــا

عـاش العـمـر فــي جـمـع ظـالـم ونـمـام لــو مامـشـى فــي درب ظـلـم وحـرامــا

حـيـن ومــن حـيــه شـكــا جـــور الايـــام مــاهــو يـتـيـمـن لــــه يــكــن احـتــرامــا

وثـورات مــرت وسـقـط الشـعـب حـكـام وغـيــر بـهــا المـظـلـوم حـكــم ونـظـامــا

وطـش الزمـن فيهـا مــن الحـكـم صــدام وظـلـم البـشـر خـــلا جـيـوشـه حـطـامـا

وشـاف الهزيمـه فــي حيـاتـه والاعــدام عـقــب الشـجـاعـه لـبـسـتـه الـوسـامــا

مـافـكـه وســـام الشـجـاعـه والا عـــلام الـــلـــي تـــوعـــد لــلــغــزاه الــنــدامـــا

روح وجـــا دوره لـبــو سـيــف الاســــلام الـلــي مـســك بـالـحـق مـثــل النـعـامـا

الـلـي يـقــول الـغــرب جـابــان وخـمــام وتــــوعــــده بــالـــحـــرب بـالــنــهــزامــا

وليـوم جيـش الغـرب وجـه علـى الشـام وتــوعـــده بـــشـــار بـــاقـــوى كـــلامـــا

وبـكــره يـبـيـن الـعـلـم والــوعــد قــــدام لاشــنــت الــغــارات وقـــــت الـظــلامــا

وهـو يسـوقـه للقـضـى وصــل الارحــام ويـنــوح مــــن دنــيــا ه نــــوح الـحـمـامـا

ومـافـيـه حــكــم ولاعــمــر لـلـبـشـر دام الــدايــم الــلــي لــــه صــــلاه وصـيـامــا