لـلابــل جـمـالــه ولـلـخـيـل خــيــال

لـلابــل جـمـالــه ولـلـخـيـل خــيــال وكل(ن)علـى عـادات حـيـه سلـومـه

والـكـذب لـودامـت ليـالـيـه مـاطــال لابـــد مـاراعـيــه يـقـلــب هــدومــه

وكـل يقـول انــه بالـوصـاف رجــال وان الوفـا والطـيـب عـنـده ختـومـه

وانـه مـن سلالـت زحازيـح وبـطـال وهــو ولــد خبل(ن)بالفـعـال بـومـه

ونـزل زمـنـا عـفـون بـاعـز مـنـزال وخـلا الـردي يـرتـاح ليـلـه ويـومـه

وخـلا الـرجـال الطيـبـه مالـهـا فــال وتنطـحـوا شــر زمـــان وسـمـومـه

هـذا زمــن خـايـن ومـاكـر ومحـتـال زمــان مــن ماهـمـه الـلــي يـلـومـه

ومن يشتكي به عثرت الحظ والحال افـرح عيـال الخـال وابنـا العمـومـه

خلق(ن)تهولـبـه وبالـوقـت تـهـتـال مامطـرت ارضـه لـو تزبـر غيـومـه

والمرجلـه ماهـي لمنـصـب ولامــال كـــم غـنــي مـاســد حـيــه لـزومــه

والرزق عند اللـي لـه عبـاده اتسـال اللـي فـرض للعبـد حـجـه وصـومـه

وسبع العلم مهتم مـن شيـل الاثقـال جيله مضـا يمشـي مـع اول اقرومـه

ذيب(ن)له من عالي الضلـع محـوال وكل(ن)بتـال الليـل يحسـب هجومـه

مـن يقـدر يبيعـه يبيعـه و الا يسـال و لايخـر البيعـه علـى اللـي يسومـه

و يعلـمـك بالـصـدق مـاهـو بـدجــال وله قومت(ن)تسـوى ثمانيـن قومـه

عند النخـاوي ينطـح رجـال ورجـال مـاهـو بـثـورن ماتهـابـه خـصـومـه

خبـل(ن) يعيـل ولايتصمـد ليـا عـال ثـورن لـيـا هــدد ذرق فــي هـدومـه