خل العيون اللي تداعب سهرها
تعرف باليا اسباب ماتسهر العين
والنفس فيه أمور سر تحشرها
يعلم بها اللي له عباده مصلين
عينآ شكت كثر السهر من قهرها
وعينآ شكت فرقا ولايف وغالين
وعينآ شقاها بس يوم أبشهرها
وعينآ شقاها طول الايام ياحسين
وعينآ يهل الدمع خدعه بصرها
حيله وتغوي ناس ماهو بدارين
وعينآ تبين حزنها في نظرها
والحزن بين في عيون المساكين
ناسآ هموم الوقت غاصت بحرها
وناسآ تسابق بالشعر للملايين
وناسآ تقدم عذرها وتعذرها
وناسآ عن العذر الحقيقي بعيدين
وناسآ تعيش وتنبصط في ديرها
لو ان ماهو منك ناسآ قريبين
وناسآ تعيف اديارها وتهجرها
لو انهم اقرب من الربع الادنين
الله من همآ جنوده نشرها
في ضامري وشعل بي الهم والبين
حتى دموعي فوق خدي نثرها
همآ قسم قلبي مع النصف قسمين
من الظروف اللي تزايد خطرها
منها التحرا الشين يقدم على الزين
عزي لمن حظه حياته دمرها
ماله تصرف لايسار(ن)والايمين
وليا بغاله حاجت(ن)ماقدرها
عنها حداه القل ومقاسط الدين
وين الرجال اللي سعد من نحرها
اللي بحزات الشدايد مزابين
اللي بفعل الطيب كل(ن)شكرها
أهل الوجيه الفالحه والكريمين
اللي لكل الناس ياصل خبرها
والهم فعول الطيب رمز وعناوين
مثل الوسوم اللي كريم(ن)مطرها
لاجت عقب ماكمل الوسم يومين
وسقت ديار(ن)طال فيها دهرها
وعقب الدهر صارت تشابه بساتين
|
الخميس، 24 يونيو 2010
خل العيون اللي تداعب سهرهـا
لعل ابو بندر لياله طويله
لعل ابو بندر لياله طويله
عسا الحميدي المنايا تعداه
ابن الرجال اللي تعادل قبيله
واهل الكرم والطيب والعز والجاه
عز الرفيق ليا شكى الوقت ميله
مزبان من ضاقت عليه وتنصاه
والطيب لوحمله ثقل يرتكيله
لو الشقى من مكسب الطيب ياطاه
قليل من ياقف وقوفه باجيله
وقليل من يوصف بوصفه وشرواه
اللي ليا مني تضايقت اجيله
ولايذخر اللي يملك كف يمناه
والله يكثربالجماعه مثيله
والله يعز اللي يسوي سواياه
ويوفقه في كل يومه وليله
ويسهل اموره بدينه ودنياه
ماقلتها في طيب الساس حيله
طيبه سبق قليلن بمدحه نظمناه
وفيه المدايح لو مدحت قليله
ولو الشعر يطول بالمدح مكفاه
والرجل في دنياه وشوا حصيله
ان ماكسب معروف والطيب سواه
ليا انتها عمره وقرب رحيله
واقفا وخلا الحي والمال خلاه
بس الكفن ماغير لاقفا يشيله
هذا الذي من كسب دنياه خاواه
وعماله اللي بالعمر تنحصيله
ويذكربها لاحل ذكره وطرياه
واللي رحل ماطاب وعتزتيله
يموت ماحدن يفتكربه وينعاه
مايفقده غير الاهل والحليله
اللي ليا منه مضا عام تنساه
|
لاتوجه عليك ولاتوجه عليه
لاتوجه عليك ولاتوجه عليه
لوجاه انتها والشرع جاني خطابه
ويوم قدام خلق الله تبينت فيه
قمت تبحث لحل المشكله والطلابه
والله اني عقب بانت علي القضيه
غير اواصل ونقد الناس محسب حسابه
ويوخذ الصك والايثبت الصك ليه
ولاتروح حقوقي قدم عيني نهابه
والحذرماحماني من علومن رديه
لو انا مبعدنبه عن ديار القرابه
لحقني يوم قامت فيه تسعى العبيه
نعنبوا من سعى معها وابو من حكابه
وكان مالله حماك من الردا والزريه
والله انك لتسكن ديرته لو تهابه
واطين ناب داب و واطين ناب حيه
وكم سرين بظلامن خطر ماينسرابه
وظعت لولا عظيم الشان بالمهمهيه
في زمانن طريدي بالعمر مادرابه
ولادرا اني انا اول من بطشبه ضحيه
واول اللي نقل من بطش حيه صوابه
واني اللي تجرعت الغبون القويه
وسكنوني بوسط الناس بيت خرابه
وباول العمر حطوني صبي الرعيه
عرضتن للهوايش والعطش والذيابه
راعين في بهايمهم صباح وعشيه
لين عمري قضا والدرس ماعرف كتابه
وكل عمري حياتي من سببهم شقيه
ماعرفت السعاده كل عمري كئابه
واخر العمر جتني كبر هضبة طميه
وعقب واحدن يطاردني لحقني عصابه
وباول العمر كيه واخر العمر كيه
من اهل الطيب يوم العمر قفا شبابه
وللمحاكم دعوني للحقوق اضحويه
دعوتي من شيوخ القوم كل حكابه
وياشيوخ الرجال ويالرجال الابئيه
عل طيب وراكم يقلع الله سرابه
ومانبا الخير منكم خيركم والهديه
لو منعتوا رداكم قبل لايفك بابه
ولا لفيتوا علينا تشعبون المطيه
بالردا اللي يعاعي كل يومن غرابه
ماحسبتوا امام الخلق كبر الزريه
والردا في طلاقت وجه سقتم ركابه
عل دارن سكنتوه دهور وخليه
وعلها الجفاف اللي يسمم ترابه
لين فيها يموت النبت قبل الرعيه
والمجاعه تطير رزقها وتعثابه
لين تصبح خلي من البشر جرهديه
ورسل الله عليها مع جفافه عذابه
وديرتن لردا والخبث والحسد غيه
والنجاسه عليها قطعتن من جنابه
ماسكنها الخوي اللي يقدر خويه
ولاهي دارن لمن كسب المراجل هبابه
مادام انا خربتها مع اقرب الناس
مادام انا خربتها مع اقرب الناس
والله ماحسب لكيدها والشكاوي
والراي لقدحبه من الراس لراس
لوقيل انا مخطي وضايع وغاوي
ولو قيل بان العرق لاحق ودساس
ماحسب حساب مروجين الحكاوي
ولو يهندم بيتي من الساس لساس
ووراي تطلع خافيات البلاوي
لشبها شبت حريقن بقرطاس
لوكنت فيها قبل ماني بناوي
ماجيتها من عقب الاقفاي عساس
وقفيت عنها كل عمري نحاوي
وثارت وانا مقفي من فعول الاجناس
سود الوجيه مزيفين الحجاوي
اللي مرافقهم غرابيل وافلاس
وضيم القريب مخيبين الهقاوي
وان كانها تظرس على راسي اظراس
حقي وجاني مارفعت الدعاوي
من الله المعبود قضاب الانفاس
مشفي مريضن مالقاله مداوي
مثبتن بصكوك ماهو بامنحاس
ولاني بامحتاج(ن) عليه النخاوي
صكن ينكس كيد الاعدا تنكاس
بسمي مثبت ماتفيد العزاوي
ومادام قدري عند الانذال منداس
وبعيونهم من قبل ماني نداوي
خله يموت القدر ويموت الاحساس
ومادام طحت الطيح فيها امتساوي
وبعدن عن الانذال مكسب ونوماس
لو عشت في دارن خليه خلاوي
لو عشت فيها في بهاذيل وتعاس
اخير من قربت منافق و واوي
ماهو بانا اللي بالقفا داب نداس
وبالوجه شيخ(ن) ملتزم بالفتاوي
ومبطي مضحابي لنجوى وريماس
وحملت حمل(ن) فيه ماني بقاوي
من لامني لعل ربي يلومه
الله يلوم اللي يلحقني الوم
وكثرت من الدنيا وحيه هموم
ولاهتنت نفسه ولاعينه النوم
ياصاحبي والله منشي غيومه
محيي الديار اللي خليه من الحوم
اللي سنين من الحياة محرومه
والماء بها والزرع والنخل معدوم
واللي كواها القيض وحرق سمومه
وانتاجها يطلع ملوث ومسموم
ان الطهر عيني تحلت انجومه
والعمر عشته يابن الجواد مظلوم
وقضيت عمري في بيوت مهدومه
وسط البيوت اللي بها العز مهدوم
لو فوقها رزت اعلام الحكومه
ماعاشها الا البوم وسلالت البوم
واللي طغى ماهمه الله وصومه
لوهو يصل الفرض ويحج ويصوم
والادامي لو عاش ليله ويومه
يمكن يموت ولاقضا بعدهن يوم
وراع العلوم اللي تنومس علومه
الفارس اللي ينطح القوم بالقوم
اللي بفعله عاش رخمه وبومه
قام يتخبط باخر العمر مهزوم
الاشتراك في:
الرسائل (Atom)