يومين ماجتنـي رسايـل والاخبـار

يومين ماجتنـي رسايـل والاخبـار=منكم وانا ضايق مـن البعـد بالـي
من ضيقتي كني على صالـي النـار=وسـط البشـر لكـن كنـي لحالـي
محتار مدري ليش غايب و وش صار=واهـم شـي اتكـون باعـز حالـي
يامالك(ن)مابي من شعـور واسـرار=ياللي رسا غـلاك مرسـى الجبالـي
رسـاه رب(ن)عالم(ن)كـل ماصـار=رب(ن)على كـل المخاليـق  عالـي
ياصاحبي ماني على البعـد  صبـار=مقدر على غيابـك  ليال(ن)اطوالـي
وكانه ضروري غيبت مانت  مختـار=شفلي بوصلـك حـل بايـا مجالـي
لاجلس حزين وضايق البال  محتـار=اليا نقطع حبـل الرجـا والوصالـي
تكفى قبل لا مشي على درب الاخطار=وتضيـق دنيايـه شهـور  وليالـي

دوني ودونك حالت ظروف دنياك مجموعة قصايد

دوني ودونك حالت ظروف  دنياك=وانا بعد دونك حدتنـي  ظروفـي
بس اعرفني لو انا غبت  منسـاك=مادمت حي ودام عينـي تشوفـي
اغليك والله بالغلا اكرمك  واعطاك=ونزل غلاك بوسط قلبي  وجوفـي
لو ماهدفك رضاي انا همي ارضاك=وشتاقلك لو ماتشـوف امعروفـي
اسج وسرح مع خيالـك وذكـراك=ذكراك مابه يـوم عنـي تطوفـي
افـرح بشوفـك وتهنـا  بلقيـاك=ولامل لوطـول بجنبـك  وقوفـي
قليل(ن)وصفك ولا شوف  حليـاك=بس انت عندي كامل(ن)بالوصوفي
لاعلني مـاذوق بعـدك  وفرقـاك=تكفى بحالـي ياحبيبـي  ترؤفـي

يامرحبامليون مليون حييت=يانور عيني والحياه ومداها
هلا هلابك عد ماصبحت ومسيت=وعد النجوم الامعه في سماها
لرسالتك من غفوت النوم فزيت=وخذتها وضميتها من غلاها
من نفسي اللي في سماها تعليت=وانت الوحيد اللي بعمري مناها
وانت الذي من شوق قلبي تقهويت=ونفسي خذيت اشواقها من رضاها
وانت الذي بامرك لنفسي توليت=ماغيرك احد يردها عن هواها


لوتجرح الاحساس غالي ومملوح=اقولها الك ياهو البال من جد
انا معك من وين ماتصد وتروح=مغليك لوبيحت في هجرك السد
امسيت من ردك على الكبد مجروح=من شاف وجهي قال وشبك معقد
ظنيت فيه ظن ياسخيف الروح=ماجا على بالي وعني مبعد
وكلام مالي فيه يازين مصلوح=وسوالفن ماني عليها بامنحد
وانا اجيك ولو تقول انت يالوح=والله فلا اجازيك بالهجر والصد
جاني مردك للاسف ينزع الروح=ليت العمى جاني ولاجاني الرد
تسرد لي اعذارك وانا بصوت مبحوح=اقراء جوابك واتبعه لطمت الخد



ياقصيدي فز للافين وفرح ياقصيدي=وستعد لمن حضر كالعسكري وضرب تحيه
الرجال اللي معرفتهم وخوتهم رصيدي=الر جال اهل الكرامه والمواقف والحميه
والشكر اللي وقفوا بالضيق واليوم الشديدي=الزحول اللي وفوا بالقوال والفعال ليه
بالنهاراللي تبينبه صديقي والعضيدي=النهار اللي يبين للخوي قيمة خويه
مرحبا باللي لفونا من قريب ومن بعيدي=مرحبا بالصحابنا والظيوفنا والاهليه
والله ان الليل هذ بالوصايف ليل عيدي=مثل ليل العيد في عيد الرمضان وبالضحيه
ليلة(ن)فيها الفرح بحضوركم حجمه يزيدي= الحضور اللي حسبته راس مال وعز ليه

اخطيت انـا والله مكبـر خطايـه

اخطيت انـا والله مكبـر خطايـه=والله بليا شعور يومنـي اخطيـت
من زود حبيلـك وزايـد  غلايـه=اقول يمكن رحت لاغبت وابطيـت
خايف عليك وطحت انا في بلايـه=طحت ابلاي اللي انا منـه ذليـت
ارجوك تكفـى لاتخيـب  رجايـه=ابجاه رب(ن)فارض(ن)حجت البيت
طالبك انـا قـدام وقـت النهايـه=واعاهدك واكتب عهد كان  رديـت
انـي ماعـود لاخطايـا  البدايـه=وان عدتها مسموح لك ماتوريـت
تكفى دخيلـك قبـل يبـدا عنايـه=ادري لافات الفوت مافـاد ياليـت
يانور عينـي ياوطـاي وسمايـه=عزي لحالي كان صملت  واقفيـت
خلاص حبك سكان(ن)في حشايـه=مادمت حين معك لو انت  صديـت
لاتستمع هرجت اعـداك واعدايـه=اكبر مصيبه للعـدا لاتـو  حيـت
ناديتلك بالشعـر وسمـع  ندايـه=والك العذر لو انت لي حيل  سبيت
شيخ ولد شيخ(ن)ولاهـي دعايـه=لي الفخر لو انت فيهـا  تهزيـت
والشعر انا عندي مزاج  وهوايـه=يمكن بالحظه لاتضايقـت غنيـت
احيان اصور من خيالـي  روايـه=لاضقت من بعض المجالس ومليت

قصيدة الشاعر حمد اليد ومجاره مني لها

قصيدة الشاعر حمد اليد ومجاره مني لها

يكتبـك كلـي والمحبيـن تـقـراك=اجمل قصيدة يا خلف كـل مـن لـي
ما شفـت مثلـك بيـن ذولا وذولاك=شرواك نادر فـي زمـان(ن) مولـي
شريـان قلبـي والمعاليـق تظمـاك=معذور لو جيتك من اقصـاي كلـي
عمري وروحي فدوت(ن) تحت ماطاك=ماهـي مذلـة كـود شـرواك قلـي
يا وافيه بالحـب وش زيـن مبـداك=يا سعد عينـي يـوم سمـوك خلـي
وشلـون ماسعـد دام كلـي تمنـاك=قربك يرد الـروح ويـروف باللـي
اللي له اسنين (ن) يهذري بطريـاك=واليوم جاد الحـظ وقربـك حصلـي




يكتبك كفي والغلا مايتعداك=يامن على كل الجمال امتولي
هلا هلا يامن عسا الروح تفداك=يامن بلطفك والوفا جايزلي
يامن جميل الشعر الوصف يزهاك=ياللي تشرف في وجودك محلي
الله من كل الصواديف ياقاك=ابجاه رب(ن)له عباده تصلي
حياك ياعذب المراسيل حياك=يامن غلا راعيك فوق امتعلي
ياصاحبي ابشر بامايحقق ارضاك=ارضاك يازين الوصايف ارضلي
وبعدك عناي وفرحتي يوم لقياك=وقربك معي ياصاحبي مايملي

سلام ياللي لك مواقف وفزعات

سلام ياللي لك مواقف وفزعات=ياعز من صاحبك يوم الشدايد
يالطيب اللي لك على الطيب بصمات=ولك المراجل والحميا عوايد
طيبك بحر ماله حدود ومقاسات=ودايم على اهل الطيب بالطيب زايد
يازبن من ضاقت عليه الوسيعات=وجالك عقب عددت رجاجيل عايد
جالك يجر من الغرابيل ونات=في نصف ليل(ن)كان ليله هجايد
ليل(ن)عرفبه ناطحين المهمات=وعرف رجال(ن)معرفتهم فوايد
لو ماخلق قل ومواقف وحاجات=ماصار فعل الطيب صعب(ن)وكايد
وماصار لاهل الطيب وصف(ن)وميزات=ولاذكر بين الناس فرق ونقايد
ولاصار للمعروف والطيب لذات=ولاذكر رجل(ن)بالشدايد سنايد
ويابن السليك اللي لك الطيب رايات=ولك راية(ن)بيضا وفعل(ن)وكايد
يالحق(ن)بالطيب اطول مسافات=وفعلك ماهو لطيب فعل(ن)زهايد
يامرتكن لحمول طيب(ن)ثقيلات=يامن تفي بالطيب فعل وواعايد
يامن يدينك بالمراجل طويلات=ولانته من اللي بالشدايد يحايد
والمدح ماهو فيك كذب ودعايات=ماهو بامدح مكبرين الوسايد
اللي بحزات الرخا كبار هامات=وتحت اوامر لابسات القلايد
ويوم الشدايد مالهم فيه شوفات=اهل الردا  لعل مالهم شرايد

والله انـك عندنـا غالـي وفـوق اوصـاف غالـي مجموعة قصايد

والله انـك عندنـا غالـي وفـوق اوصـاف   غالـي =  وانـك انـت اللـي جـرا غـلاك وسـط الـدم   كلـه
راسيـن غـلاك يالغالـي مثـل مرسـا   الجبالـي=  مايتغيـر دام انـا عايـش باقلـبـي عــن   محـلـه
لنك انت اللي وفيت وشفت انـا منـك الفوالـي=  والـغـلا ثبـتـك يـازيـن الطبـايـع فــي   سـجـلـه
واقطف اثمـار الغـلا يـوم الغـلا بالغصـن مالـي=  اقطـف الثمـاره وخلـك ياوليـفـي تـحـت   ظـلـه
يوم جالك يابسن غصنه من ادهور(ن)اطوالي =  وقمت فـي هـداج تيمـا العـذب يالغالـي   تعلـه
استلم وصل الغلا اللي مدلك غرب   وشمالـي  =  وستلـم وصـله جنـوب وشـرق دامـك   مالكلـه
استلـم وصـلـه وســو الـلـي تـريـده   لاتبـالـي = وانت من وصل الغلا تطويـه وانـت اللـي   تفلـه
والجـواب اللـي قبـل سينـه تقـدم   الاسؤالـي  = لـو كتبـتـه لـغـز بالاشـعـار مــن يـقـدر   يحـلـه
والرفيق اللي ماهو بالضيـق والشـده ظلالـي= انسـف اديـاره شمـال وبيـتـه المـهـدوم خـلـه
لوفـرش بيتـه ليـا جـوه العـرب باغـلا   الزوالـي= ولو ملـك مليـون قصـر ولـو ملـك مليـون   فلـه
مارفعـن قـدره وذكـره لاحصـل يمـه   مجـالـي = ونعنبـوا مال(ن)يحقـر الـرجـل بالعـمـر   ويـذلـه
وليت بعـض النـاس ماعقـب باهالدنيـا   عيالـي = والـنـخـاوي ليـتـهـن مـــن هـفـتـه   مـاوديـلــه


يامرحبا باللي يدز المراسيل=الصاحب اللي بالغلا محتويني
اللي اغنيله جميل المواويل=وبعده عناي وشوفته سعد عيني
اللي معه مامل طول التعاليل=وفرح منه يوم الرسايل تجيني
افرح منه وانسا العنى والبهاذيل=وانسا الشقى وانسا بهاذيل ديني
وانسا التعب وانسا السهر والغرابيل=وشتاقله شوق الاهل لسجيني
وصفه ماهو وصف الثريا ولا سهيل=ولاهو قمر زين الوصايف ظنيني
شمس الصباح اللي جلت ظلمت الليل=اللي عللى كل الاوادم تبيني
وحتى الشعر ماقول له شعر قد قيل=بالحظه اكتب له قصيدن ثميني

ياخلايا الفكر مدي له جسور=وعبيرها ياخلايا الفكر باسراب الحمام
وسلميها للغلا بالعود وانواع الطور=وارفقيها بالغلاوجمل تحيه واحترام
وطوقيها ياخلايا الفكربالنواع الزهور=وتابعيها لين ياتي منه رد الاستلام
وعلميه انه عطاه القلب تذكرت العبور=وعلميه انه ملك كل المشاعر بالتمام
ودامت ايامه سرور ودامت السنينه سرور=ودامها الله كل يوم ودامها الله كل عام


والله اني ودي اني عنك ماغيب الليالي=وعنك ماودي اروح ولاتغيب نصف ليله
ياشريك الروح يازين المعاشر والقبالي=ياوليف(ن)عندك اوقاتي لطيفات وجميله
ولا لفيتك ضايق(ن)خلقي من الدنيا وبالي=استراح البال وارتاحت معك نفس(ن)عليله
والله انك مكسبي بالعمر يالغالي ومالي=عل تفداك القبايل قبل تفداك القبيله



ياصاحبي ارقد وتصبح على خير=والله يديملك الفرح والسعاده
ومن اين ماتمشي دروبك تياسير=والجو لك صافن يذعذع براده
يالصاحب اللي باليال المعاسير=مايشتكي صاحبك منك انكاده
ولصاحبك شوفك ورود ونواوير=وقربك ينسيه الشقى والقراده
وماردته دونك طوال المشاوير=ولاسهرليله سبوع وهجاده
يجيك يكفخ مثل مايكفخ الطير=اليا شلع لصيد ساعة هداده
لن الغلا له يالغلا حالتن غير=والنفس له فيها عزومن زياده


ياصاحبي طال عمرك وانشرح بالك=ولاخيب الله رجاك ولاخلف اظنونك
ياصاحبي والله انك عندنا لحالك=تسوى قبيلةباعيني لو يعادونك
والنقد لو طال غيرك انت ماطالك=ولو يحذف النقد طاح النقد من دونك
وقليل وصفك بهذا الوقت وامثالك=وعزيز نفس وتعز اللي يماشونك
والطيب دايم وعز النفس في بالك=ولاتروح يم الردا لوهو يحدونك
ولاصار جوك مع الغالين يصفالك=اهل الردا بالفعايل لايهمونك
ولا امنت بالله كيد الخلق لو جالك=من كل خلقه لضرك مايضرونك
ولاصار تسعى للم الشمل باعمالك=وهم بالافعال من دونه يحدونك
لايضيق منهم ومن ماقدموا بالك=وعن خير الاعمال ل الله لايردونك

يامسا الخير ياللي كل ماجيت يمه مجموعة قصايد

ياطول عنك الغياب سبوع ياطوله=كنه سنه ماهو عنك سبوع يالغالي
ومن غيبتي عنك كن النفس معزوله=عن البشر في ديارن مابها الوالي
او مثل من دار في وسط السجن حوله=ومن دونه الباب محفوظ(ن)بالقفالي
ياصاحبي استمع في كل ماقوله=في كل ماقولبك في زين الامثالي
وتوح ماقول والنيات مجهوله=ويعلمبها اللي على كل البشر عالي
ولاكل رجل(ن)يقول مصدق(ن)قوله=كم ناس راحت ضحايا القيل والقالي
والا انت لك عشرة(ن)بالقلب مكفوله=ماتزول لون ضلع طويق ينزالي
وتامر عليه وتملك كل ماطوله=وفداك  يهصاحبي بالروح والمالي


ينساح بالي ليا جتني مراسيلك=لو كنت مهموم زال الهم مرسالك
واقوم لاشفت مرسالك و أغنيلك=و فز فرحه لاجاني رقم جوالك
ولاحسب طول السفر يومني امشليك=ماشفت مغليك يوم البارحه جالك
الله يهنئيك في يومك وفي ليلك=والله يهن العيون بشوفت عيالك



الله محلا الخميس وليلة الجمعه=يالطف يوم الخميس وعصره الماضي
يوم(ن)به النفس بالحباب مجتمعه=ولامسيت في ليلته ضايق ومغتاضي
ليل(ن)جلت ظلمته وهمومه الشمعه=الشمعه اللي طفت والحب ماغاضي
مع صاحب(ن)قبل عرفه طيب السمعه=ودايم على صاحبه مهما حصل راضي
اللي له النفس من غلاه مستمعه=غلاه عندي سما وبحور واراضي
ماهو باتزييف والا مزيف المعه=غلن نزيهن بصكن من يد القاضي


شف كيف انا بالسرع بالشعر رديت=وشف الغلا بالشعر وشلون سوا
من الغلا بالرد بالشعر مابطيت=ردن يبرهن لك غلا القلب جوا
وينبيك بانك من غلايه تقهويت=وان الغلا لك كل يوم يتقوا
وانك بعد من فوق حده تعديت=ولاتخاف من عد الغلا لاتروا
ياشمعت الدنيا ويادرت البيت=خذ كلمت اللي كلمته ماتلوا
خذ كلمت اللي فيك يفرح ليا جيت=وصفا له ليا جاك وقت(ن)وجوا



غالي وعنديلك غلا غير محدود=غلاك يالغالي بحورن غزيره
غلاك عندي كل يومن لك يزود=ويزيدك قدر ومعزه كبيره


والله اني ودي اني عنك ماغيب الليالي=وعنك ماودي اروح ولاتغيب نصف ليله
ياشريك الروح يازين المعاشر والقبالي=ياوليف(ن)عندك اوقاتي لطيفات وجميله
ولا لفيتك ضايق(ن)خلقي من الدنيا وبالي=استراح البال وارتاحت معك نفس(ن)عليله
والله انك مكسبي بالعمر يالغالي ومالي=عل تفداك القبايل قبل تفداك القبيله


يامسا الخير ياللي كل ماجيت يمه=زال همي وضيقي ونشرح منه بالي
ولاتضايقت ضيق النفس ضيقه وهمه=وفي عيونه اشوف الضيق من ماجرالي
صاحب(ن)همه ظروفي وشملي يلمه=عل تفداه روحي قبل يفداه مالي
وصاحب(ن)من غلاه اغليت خاله وعمه=وتاج راسي ابوه ليا حضر له مجالي
وبالغلا مثل ابوي ابوه زود(ن)على امه=امه اللي ادبها عز بنت وعيالي
وعاش في بيت عز وعاش في بيت ذمه=وقدوه ابوه وامه لنسا والرجالي
ماربا بينهم في نقل هرج ونقل نمه=ولاهرج بالبعيد ولاهرج بالموالي
ولادفن للعدواه واقشر الفعل سمه=والردا عز نفسه قبل مبداه حالي
والغلا منه جمه والوفاء منه جمه=ولا يسوق الغلا والعطف لجل الريالي